قصيدة متميزة للشاعرة التونسية المتألقة جهاد المثناني

عْلَى خَدّك قطعهْ مِاللّيلْ
نِسْمَاتِي كِ تْـهبّ.. تمِيلْ
تُحضُنّي تغَـنّي مْوَاويلْ
تَزْرَع بُوسَاتِـك فِي يدَيَّا

تْذوبْ عْلَى شْفَافِي العسَلْ
شْـويّهْ شْـوَيَّه تْـذُوبْ الكُـلٌ
أنتِ شَمسِي وانتِ الظـلْ
وأنتِ الكُحْـل الـ فِي عِينيّا

علَى زِندِكْ رَاسِي حَطّيتْ
وبأنفاسِك زِدت تْـغَطِّيـتْ
عَـلّقنا نِجمهْ عَالحِيط
وغنينا “نجمة قطبية”

علَى صَدرِي حَسِّيتْ دْفَايَا
كُنا كِالـكِلمـَه فِي غْـنَـايَـه
نْعِـيشُوا كَايِـنّـا فِي حْكَـايا
فُوق غِيمَـهْ في سْمَـا وردِيّه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *